Në Huma besojmë se asnjë kafshë nuk meriton të jetojë në rrugë, në pasiguri apo në vetmi. Pika jonë e tretë, Shpëtim & Streha, është angazhimi ynë për t’i dhënë çdo kafshe një shans të dytë dhe një strehë të ngrohtë.
Fokusi ynë :
Është të krijojmë qendra të mirëfillta për strehimin e kafshëve, të pajisura me gjithçka të nevojshme: hapësira të sigurta, kujdes veterinar, ushqim të bollshëm dhe dashuri të përditshme. Përmes fondeve dhe donacioneve të mbledhura nga njerëz me zemër të madhe, duam të ngremë këto strehë në çdo qytet të Shqipërisë, në mënyrë që asnjë kafshë të mos mbetet pa mbrojtje.
Ne jemi të përkushtuar që të kërkojmë, përshtasim dhe përmirësojmë ambientet ekzistuese, nga hapësirat bosh në komunitet deri tek prona të shndërruara në pika të dashurisë për kafshët. Çdo ndihmë, qoftë materiale, financiare apo fizike, është jetike për të bërë realitet këtë vizion. Së bashku, mund të krijojmë siguri, mundësi socializimi dhe shpresë për qindra kafshë të rrugës.
Ftojmë gjithë komunitetin të bëhet pjesë e këtij rrugëtimi. Me një dorë të shtuar, me një dhuratë, apo me një ide të re, transformojmë jetët e kafshëve, i japim një tregim të ri çdo shpirti që sot jeton në rrugë. Shpëtimi dhe strehimi nuk janë vetëm ndihmë për kafshët , janë një pasuri për shoqërinë, një simbol i qytetarisë sonë. Ndihmo të ndërtojmë strehën e së ardhmes!